Шетелдегі оқуымды аман-есен аяқтап, Master of Letters in Media and Communication (with Merit) атандым. Қызықты күндерімнің куәсі болған Шотландия еліне әлі талай барамын деп үміттенемін. Farewell видеом осы, бұдан кейін видеоблог түсіруді жалғастырам ба, жоқ па, білмеймін. Шетелге оқуға түсу, ағылшын тілін үйрену, IELTS тестіне дайындалу т.б. қатысты сұрақтарыңыз болса (IELTS тапсырған тәжірибемді баяндаған постымды мына жерден оқи аласыздар), жауап беруге әзірмін. Поштам: rozkabai@gmail.com.
Жақында мен Глазго қаласында өткен бір International тойға қатыстым. Ағылшын жігіті Алекс пен неміс қызы Ребекка Шотландияда отау құрып, шіркеуде некесін қиды. Ребекка – менің осы оқу жылында International cafe-ден тапқан құрбым. Бұрын-соңды шетелдіктердің тойына, оның үстіне шіркеуде өткен тойға барып көрмеген мен үшін бұл бір қызық experience болды. Біздегідей ығы-жығы адам, кешігіп келу жоқ, үстел үстіне сыймай тұрған тағамдар, үйіндегі барын киіп келген қонақтар жоқ, ұзақ-сонар тілектер мен понт жоқ, мен үшін өзгеше той болды!
Гүлжан Молдажанова. Бұл есімді қазақстандықтардың көпшілігі біле бермейді. Тіпті, өзі 26 жылдан бері тұрып келе жатқан Ресейдің өзінде ол журналистерге сирек сұхбат береді. Мірдің оғындай жауаптары тілшілердің өзін жаңылдырады. Журналистің сұрағына сұрақпен жауап қайыратыны да бар. Мінезді, талапшыл басшы екені оның әр сөзінен көрініп тұрады. Туған жерінде Гүлжанның есімі еміс-еміс естілсе де, әлемнің бизнес элитасы оны жақсы таниды. More
No kopy
Розатайдың блогы 